香港新浪網 MySinaBlog
gelek | 4th Aug 2011 | 一般 | (308 Reads)

下面是我的創作,如tvb.com要轉載的話,

請先得我書面同意之後才好轉載,不要不問自取。

問你兩條問題:

試講出五隻最活躍地產股嘅股票代號?

試講出二十四節氣其中五個吖?

你嘅答案,已經反映出,

我哋非常熟悉房地產,但完全忘記農業係乜。

我哋放棄農業係因為我哋堅信,可以用係買賣房地產所賺

取嘅利潤,去換取第二個地方嘅農產品。

不過,如果農產品出口商將價格推升到天價嘅時候,

我哋又可以用乜嘢去換取一包米呢?

問多你兩條問題:

住得好緊要d?

定係食得飽緊要d?


gelek | 4th Aug 2011 | 一般 | (256 Reads)

下面是我的創作,如tvb.com要轉載的話,

請先得我書面同意之後才好轉載,不要不問自取。

 

根據醫療報告指出,現存已知嘅眾多疾病之中,

只有百份之二係可以治理,其餘百份之九十八嘅疾病都係

無法根治,怎至係無藥可救。

用民間傳統來解釋嘅話,病從丙,丙乃十天干之中至剛至

陽嘅火,醫字從酉,酉乃十二地支嘅至陰至弱嘅金,按照

生剋制化嘅五行定律,火剋金,所以,醫不能勝病,生老

病之後,就係死。

因此,我哋無需要去計較d中藥係咪天然草本,d西醫係

咪有塑化劑?最關鍵係俾藥你食果個人,係一心救你一命

,定係一心斬你一頸血?我肯定,若果你遇上,03年果

班冒死照顧沙士病患者,到最後一秒,壯烈殉職嘅醫護

人員,就算佢哋俾香爐灰你食,你都一定藥到病除


gelek | 4th Aug 2011 | 一般 | (192 Reads)

下面是我的創作,如tvb.com要轉載的話,

請先得我書面同意之後才好轉載,不要不問自取啊。 

上世紀七八年代,鑽石山上嘅木屋區工場、彩虹道元嶺村

嘅山寨廠、新浦崗大有街一帶嘅漂染紡織廠,飾演著當時

四大工業之一:紡織業,裡面非常重要的腳色,因為訂單

充裕,交易繁盛,附近嘅工業污水幾乎係,二十四小時,

不停咁注入係呢度,再排出去九龍灣,當時呢度五顏六色、

臭氣氛天;但係,呢度愈污糟,係附近工場工廠所見到嘅

笑容就愈多。不過,宜家,污水?無晒!工廠?無晒!紡

織業?無晒!連笑容都......

宜家,呢度唔單止鳥語花香、心曠神怡、仲水清無魚添。

你宜家會叫呢度做:臭坑渠;

但從前,佢有一個好美麗嘅暱稱叫:香水河。

 


gelek | 4th Aug 2011 | 一般 | (433 Reads)

趁熱鬧的去了那個充斥各式人種各懷鬼胎的地方

一陣子之後,還是覺得這裡好。

Picture